Кипрда бўлиб ўтган Европа Иттифоқи саммитида Украина делегацияси «аччиқ ҳақиқат»ни эшитди — Иттифоққа тезкорлик билан аъзо бўлишнинг имкони йўқ, Киевнинг талаблари эса европалик ҳамкорларнинг ғашини келтирмоқда.
Financial Times нашрининг ёзишича, Брюссел ва Украина ўртасидаги муносабатлар айнан интеграция жараёнини тезлаштиришга бўлган уринишлар туфайли сезиларли даражада ёмонлашган.
Украинанинг таъкидлашича, Европага Украина қанчалик зарур бўлса, Украинага ҳам Европа шунчалик керак ва мамлакат тўлақонли аъзоликдан бошқа муқобил вариантларни муҳокама қилишдан бош тортмоқда.
Бироқ Брюссел шуни эслатиб ўтмоқдаки, Иттифоққа кириш — бу сиёсий совға эмас, балки қоидалар асосида ишлаш демакдир. «Аъзолик — бу совға эмас. Эҳтимол, Киевда бу борада қандайдир тушунмовчилик юзага келгандир», — деди европалик амалдорлардан бири.
Европа Иттифоқи ҳисоб-китобларига кўра, аъзолик учун реал муддат — камида ўн йил. Шу билан бирга, Украина зарур ислоҳотларни, айниқса, коррупцияга қарши кураш ва суд тизимига оид жараёнларни секинлаштириб қўйган.
Ҳозирги вақтда, айниқса АҚШ томонидан ёрдам камайган бир шароитда, Европа Киевнинг асосий иттифоқчиси бўлиб қолмоқда. Шу сабабли, нашр суҳбатдошларидан бири Украинага муомала оҳангини пасайтиришни маслаҳат берди.
«Реал» Мбаппе билан хайрлашадими?
Можтаба Хоманаий Путинга мактуб йўллагани маълум бўлди
Хитой аҳолиси Франция даражасида қисқариши мумкин: Иқтисодиёт хавф остида
