Европа Иттифоқи Трампдан бугунги учрашувда Зеленскийга босим ўтказишини кутмоқда

Европа расмийлари АҚШ президенти Дональд Трампдан 18 август куни бўлиб ўтадиган учрашувда Украина президенти Владимир Зеленскийга Россия таклиф қилаётган Россия-Украина можаросини тинч йўл билан ҳал қилиш шартларини қабул қилиши учун босим ўтказишини кутишмоқда.

Бу ҳақда The Wall Street Journal нашри хабар бермоқда.

Унинг маълумотларига кўра, Европа Зеленскийнинг асосий вазифасини Трампни Америка етакчисининг асосий мақсадига, яъни можарони имкон қадар тезроқ тугатишга эришиш учун бошқа, афзалроқ муқобиллар борлигига ишонтиришдан иборат деб билади.

Нашр таъкидлаганидек, Европа расмийлари Украина ўзининг барча ҳудудларини қайтариб бера олмаслигини алоҳида тан олишади, лекин йўқотишларни минималлаштириш ва Россия томонидан босиб олинган Украина ҳудудларини Россия ҳудуди деб тан олмасликни талаб қилмоқда.