Европа Иттифоқи Эронга нисбатан чеклов чораларини кенгайтиришга қарор қилди.
Бу ҳақда Европа Иттифоқи кенгаши баёнотида айтилади.
Маълумотларга кўра, Эрон Украинадаги урушда Россияни ва Қизил денгиз минтақасида Яман ҳусийларини қўллаб-қувватлагани учун санкцияларга учраган.
Маълум қилинишича, дронлар ва уларнинг компонентларини экспорт қилиш санкциялар рўйхатига киритилган. Бундан ташқари, Эроннинг бир қатор юридик ва жисмоний шахсларига нисбатан чеклов чоралари қўлланилган.