Евроиттифоқ Россияга қарши санкцияларни уруш тугамагунча бекор қилмайди — Урсула фон дер Ляйен

Еврокомиссия раҳбари Урсула фон дер Ляйен Евроиттифоқ Россияга қарши санкцияларни Украинадаги уруш якунланмагунча олиб ташламаслигини маълум қилди.

"Айнан Украина ўзи учун адолатли ва барқарор тинчлик қандай бўлишини ҳал қилади. Украинанинг хавфсизлик кафолатларига муҳтожлиги аниқ, бироқ умумий стратегияни айнан Киев белгилаши керак", — дея қўшимча қилди Урсула фон дер Ляен.

Эслатиб ўтамиз, Россия Қора денгизда ўт очишни тўхтатишга рози бўлиш шарти сифатида ўз қишлоқ хўжалик маҳсулотлари экспортига қарши санкцияларни олиб ташлашни талаб қилган, бу санкцияларнинг бир қисми эса Европа Иттифоқи томонидан жорий этилган. АҚШ ушбу талабни кўриб чиқишга тайёрлигини билдирган.