Эроннинг йирик нефть инфратузилмаси жойлашган Харг оролида бир нечта кучли портлашлар содир бўлди

Бу ҳақда Mehr ахборот агентлиги хабар бермоқда.

Ҳодиса АҚШ президентининг Эрон раҳбариятига йўллаган сўнгги ультиматуми фонида юз берди.

Трамп Ҳўрмуз бўғози очилмаса, оролдаги нефть инфратузилмасини йўқ қилиш билан таҳдид қилган ва республикага сешанба оқшомига қадар (Тошкент вақти билан чоршанба тонгигача) муҳлат берган эди.

Ислом инқилоби корпуси АҚШ ва Исроил ҳужумларига муносабат билдириб, минтақадаги АҚШ инфратузилмасига зарба бериши ва Яқин Шарқдаги энергия таъминотини узоқ йилларга издан чиқаришини маълум қилди.