Эроннинг янги олий раҳнамоси АҚШ билан музокаралар ўтказилишини маъқуллади

Эрон Ташқи ишлар вазири Аббас Аракчи АҚШ Президентининг махсус вакили Стив Уиткоффга ислом республикасининг янги олий раҳнамоси Мужтабо Хоманаий Америка томони билан музокаралар ўтказилишини маъқуллагани ҳақида маълум қилди.

Бундай даъвони маълумотли манбага таянган ҳолда Исроилнинг «Ynet» нашри келтирмоқда. Қайд этилишича, Аракчи Эрон ўз талаблари бажарилган тақдирда, ушбу жараённи тезроқ якунлаш ниятида эканини Америка томонига тушунтирган.