Эронда 2025 йил охирида бошланган оммавий тартибсизликлар пайтида 3700 дан ортиқ ҳуқуқни муҳофаза қилиш органлари ходими турли даражада жароҳат олган.
Бу ҳақда мамлакат Мажлиси Миллий хавфсизлик ва ташқи сиёсат қўмитаси раиси Иброҳим Азизий маълум қилди. Унинг сўзларига кўра, тартибсизликлар оқибатида 2200 дан ортиқ хавфсизлик кучлари автомобили, 250 дан зиёд мактаб ва 300 та масжидга зарар етган.
Tasnim агентлигининг хабар беришича, 11 январь ҳолатига кўра, намойишлар давомида ҳалок бўлган хавфсизлик ходимлари сони 111 нафарга етган.
Норозилик намойишлари 2025 йил 28 декабрь куни Теҳрондаги Катта бозорда миллий валюта қадрсизланиши ва иқтисодий қийинчиликлар ортиши фонида бошланган ва қисқа вақт ичида мамлакатнинг кўплаб шаҳарларига тарқалган. Тартибсизликлар авжига чиққанидан сўнг, Эрон ҳукумати мамлакат бўйлаб интернетга киришни чеклаган.
Расмийлар ҳалок бўлганлар ва яраланганлар сони бўйича ҳали тўлиқ статистик маълумот эълон қилмаган. Аввалроқ тахминан 3000 киши ҳибсга олингани маълум қилинган эди.
Ҳатто ЙТҲдан кейин ҳам Адам Қодиров медал олиб келмоқда
Гренландия ташқи ишлар вазири йиғлаб юборди
"Орешник" зарбаси Ғарб учун сигнал бўлди
