Нашр маълумотларига кўра, Эронда оммавий норозилик намойишлари давомида фақатгина 8–9 январ кунларининг ўзида 30 минг нафарга яқин одам ўлдирилган бўлиши мумкин. Тime бу маълумотларни Эрон Соғлиқни сақлаш вазирлигининг икки нафар юқори лавозимли мансабдорига таяниб хабар бермоқда.
Қурбонлар сони жуда кўп экани сабаб, ҳатто жасадлар учун мўлжалланган қоплар ҳам тугаб қолгани, тез ёрдам машиналари ўрнига жасадларни олиб кетиш учун юк машиналаридан фойдаланилгани айтилмоқда, деб ёзади журнал.
АҚШда жойлашган HRANA инсон ҳуқуқларини ҳимоя қилиш ташкилоти маълумотларига кўра, Эронда 2025 йил охирида бошланган ҳукуматга қарши намойишлар давомида камида 5 495 киши ҳалок бўлган, улардан 5 149 нафари намойишчилар ҳисобланади.
Шунингдек, HRANA яна 17 031 эҳтимолий ўлим ҳолатини текширмоқда. Фаолларнинг маълум қилишича, 7 403 киши оғир жароҳат олган, Эрон хавфсизлик кучлари эса 40 887 кишини ҳибсга олган.
Аввалроқ Эрон ташқи ишлар вазири Аббос Ароқчи мамлакатдаги намойишларда 3 117 киши ҳалок бўлганини маълум қилганди. Ароқчи қурбонларнинг 2 427 нафари тинч аҳоли ва хавфсизлик кучлари ходимлари, 690 нафари эса “террорчилар” эканини билдирганди.
"Дунё гўзали" танлови иштирокчиси кийимида Ўзбекистон байроғи рамзларидан фойдалангани учун жаримага тортилди
Россия Ўзбекистон фуқароларини мамлакатдан мажбуран чиқариб юборди (видео)
Россиялик боксчи ва депутат Николай Валуев ҳам Марказий Осиёга таҳдид қилди
