Эроннинг Фирузобод яқинида жойлашган заводда юз берган портлаш оқибатида 72 киши тан жароҳати олган.
Эрондаги заводда юз берган портлашда 72 киши жароҳат олди. Маҳаллий "Tasnim" ахборот агентлиги хабарига кўра, ҳодиса мамлакат жанубидаги Форс вилоятидаги Фирузобод шаҳри яқинида юз берган.
Қайд этилишича, портлаш содир бўлган корхона натрий карбонат ишлаб чиқариш билан шуғулланган. Маълумотларга кўра, ҳозирда воқеа жойида фавқулодда ёрдам ходимлари аммиак сизиб чиқиши хавфини камайтиришга ҳаракат қилмоқда.
