Дунё нефть савдосининг асосий артерияси бўлмиш Ҳормуз бўғозида кема қатнови тўхтатилди. Эрон ислом инқилоби қўриқчилари корпуси (ИИҚК) ҳудуд орқали кемаларнинг ўтишига рухсат берилмаслигини маълум қилди.
Reuters агентлигининг хабар беришича, ИИҚК радиоалоқа орқали барча кемаларни огоҳлантирмоқда. Эрон расмийлари бу борада ҳали расмий баёнот бермаган бўлса-да, амалдаги тақиқ халқаро миқёсдаги энг муҳим энергия йўналишини фалаж қилди.
Ушбу бўғоз дунё нефт экспортининг асосий йўли ҳисобланади. У орқали Саудия Арабистони, Эрон, Ироқ ва БАА нефти бошқа мамлакатларга етказилади.
Форс кўрфазидан дунё бозорларига етказиб бериладиган нефтнинг учдан бир қисми айнан ушбу бўғоз орқали ўтади. Эрон ушбу стратегик нуқтани ёпиш билан бир неча бор таҳдид қилган эди, ҳозирги вазият эса глобал энергия бозорида кескинликни янада ошириши кутилмоқда.
ЙПХ инспекторини уриб кетган 10-синф ўқувчиси “Шуҳрат” медали соҳибининг эркатой набираси экани маълум бўлди
Тожикистонда “тахт” транзитига тайёргарлик бошландими?
АҚШда “асрнинг энг ижобий бурилиши” юз берди
