Эрон валютасидан тўртта нол олиб ташланади

Эрон валютаси деноминация қилинди.

Эрон президенти Масъуд Пизишкиён валютани деноминация қилиш тўғрисидаги фармонни имзолади ва бу ҳақда Марказий банкни хабардор қилди.

Шундай қилиб, миллий валюта тўртта нолни йўқотади - 10 минг риёл 1 риёлга тенглаштирилади. Шунингдек, янги валюта бирлиги - қирон жорий этилади, у риёлнинг юздан бир қисмига тенг бўлади. Уч йиллик ўтиш даври режалаштирилган бўлиб, бу даврда мамлакатда икки томонлама муомала тамойили амал қилади: эски ва янги риёллардан фойдаланишга рухсат берилади.