Эрон ўз маблағларини халқига эмас, Ҳизбуллоҳ, ҲАМАС ва бошқа қуролли гуруҳларга сарфламоқда

АҚШ Давлат котиби Марко Рубионинг таъкидлашича, Эрон иқтисодиёти сўнгги воқеаларга қадар ҳам оғир инқироз ҳолатида бўлган. Мамлакат раҳбарияти қўлга киритаётган молиявий ресурсларни ўз фуқаролари фаровонлиги ва мамлакат тараққиётига йўналтирмаяпти. “Маблағлар АҚШ ҳамда халқаро ҳамжамият хавфсизлигига таҳдид солиш учун ишлатилмоқда. Ушбу маблағларнинг тенг ярми мамлакат ички эҳтиёжларига йўналтирилганда эди, Эрон халқининг турмуш даражаси сезиларли даражада яхшиланган бўларди”, деган Рубио нутқида.