Исроил АҚШ маъмуриятига Эрон АҚШ президенти Дональд Трампга суиқасд уюштиришни режалаштираётган бўлиши мумкинлиги ҳақида разведка маълумотларини тақдим этди.
Бу ҳақда The Wall Street Journal (WSJ) вазиятдан хабардор манбаларга таяниб хабар берган.
Нашрнинг таъкидлашича, Исроил АҚШ расмийларига Теҳроннинг тахминий режалари ҳақида маълумот берган. Бироқ, бу маълумот узатилган вақт ва каналлар аниқланмаган.
Газетанинг таъкидлашича, 2020 йилда Ислом инқилоби қўриқчилари корпусининг "Қудс" кучлари қўмондони Қосим Сулаймоний ўлдирилганидан бери Эрон расмийлари Дональд Трампга қарши қасос олиш ниятини бир неча бор билдиришган.
Нашр шунингдек, сўнгги бир йил ичида АҚШда Америка етакчисига қарши бир нечта суиқасд уринишлари барбод бўлганини, аммо The Wall Street Journal (WSJ) бу воқеаларни Эрон билан боғлайдиган ҳеч қандай далил келтирмаганини таъкидлайди.
“Ислом НАТО”сига қўшилишни хоҳловчилар кўпаймоқда
Путин Украина билан тинчлик музокаралари учун Москва шартини айтди
Расман: ўқишга кира олмаганлар энди давлат университетларига бемалол ўқишга кириш имкониятига эга!
