Эрон суди АҚШ ҳукумати ва расмийларини 2010 йилда Эрон жануби-шарқидаги Чабаҳор порт шаҳрида содир этилган "террор ҳужуми"да ҳалок бўлганлар ва жароҳатланганларнинг оилаларига 170 миллион доллар товон пули тўлашга мажбур қилди.
Эрон адлия тизимининг Mizan ахборот агентлиги якшанба куни тинглов санасини аниқламай туриб хабар беришича, бу қарор Теҳрон халқаро судининг 55-бўлими томонидан олти киши, жумладан, ҳалок бўлганларнинг қариндошлари ва ҳужумдан омон қолганлар томонидан берилган даъво аризаси асосида қабул қилинган.
Мизан маълумотларига кўра, 2010 йилнинг декабрь ойи ўрталарида Чабаҳордаги масжид олдида мотам маросимига йиғилган оломонга худкуш томонидан уюштирилган ҳужумда жами 39 киши ҳалок бўлган ва 70 киши яраланган.
Қайд этилишича, Эрон суди АҚШ ҳукумати ва расмийларини терактга алоқадор деб топди, чунки улар ҳужум учун жавобгарликни ўз зиммасига олган "Жундаллоҳ" террорчилик гуруҳини қўллаб-қувватлаган.
Суд ҳукмига кўра, АҚШ даъвогарларга етказилган моддий ва маънавий зарар учун 74 миллион доллар, шунингдек, 96 миллион доллар жарима тўлаши шарт.
Бу АҚШ ҳукуматини Чобаҳордаги ҳужумга алоқадорликда айбдор деб топувчи иккинчи суд қароридир. 2023 йилда 93 нафар қурбонлар ва ҳалок бўлганларнинг қариндошлари даъвосини кўриб чиқиб, суд АҚШ ҳукуматини 2,66 миллиард доллар товон тўлашга мажбур қилди.
Россия Украинадан ерларини қайтариб олганини эълон қилди
Қўшма Штатлар Россияга қарши баёнот билан чиқди
Туркия Исроилга хабар юборди
