12 январь, душанба куни Эрон президенти Масъуд Пезешкиан Теҳронда намойишчиларнинг ҳаракатларига қарши уюштирилган намойишда иштирок этди. Бу ҳақда Tasnim хабар бермоқда.
Нашр маълумотларига кўра, давлат раҳбари Эрон пойтахти марказидаги "Ингилоб" майдонига етиб келган ва намойишчиларга қўшилган. У ерда аввалроқ норозилик намойишларига қарши нутқ сўзлаган Эрон парламенти спикери Муҳаммад Багер Галибаф ва ташқи ишлар вазири Аббос Аракчи ҳам бор.
Пойтахтда Ислом Республикасини қўллаб-қувватлаш учун ўтказилган оммавий митингда тахминан 1,2 миллион киши иштирок этди. Шунингдек, Эроннинг йирик шаҳарларида Хоменеийни қўллаб-қувватловчи оммавий ҳукумат тарафдорлари митинглари бўлиб ўтмоқда.
Эрон давлат телерадиокомпанияси Биржанд, Захадан, Занжон, Илам, Кирмон, Қум, Рашт, Ҳамадон ва Шеҳре-Корд шаҳарларида ҳам ҳукуматпараст митинглар бўлиб ўтганини маълум қилганди.
Axios нашрининг хабар беришича, АҚШ разведка агентликлари Эрондаги норозилик намойишлари давлат барқарорлигига қарши чиқиш ва Хоменеини ағдариш учун етарли кучга эга эмас деб топишган.
Ванганинг «башоратлари»: Учинчи жаҳон уруши 2026 йилда бошланади
АҚШда оммавий намойишлар бошланиб кетди
"Тез орада Ватанимга қайтишга ҳозирлик кўрмоқдаман"
