Эрон пойтахтида аҳолига сув бериш таъминоти чекланди

Эрон мамлакатдаги кучли қурғоқчилик туфайли Теҳрон аҳолисига сув етказиб беришни чеклай бошлади.

Бу ҳақда Эрон ОАВлари хабар бермоқда.

Эрон энергетика вазири Аббос Алиободий давлат телевидениеси орқали сўзларидан иқтибос келтирган ҳолда, "Бу сув исрофгарчилигининг олдини олишга ёрдам беради, гарчи у бироз ноқулайлик туғдирса ҳам.

Маҳаллий матбуотнинг хабар беришича, шанбага ўтар кечаси Теҳроннинг турар-жойларида сувнинг вақти-вақти билан узилиши аллақачон бошланган.

Эроннинг Haft-e Sobh газетасининг қайд этишича, тармоқ босимининг пасайиши, ер усти ва ер ости сувлари заҳираларининг камайиши Теҳрон сув таъминотида “жиддий беқарорлик”га сабаб бўлган.

Аввалроқ Эрон президенти Масуд Пезешкиан сув инқирози туфайли Теҳроннинг эвакуация қилинишини истисно қилмаслигини айтган эди. "Эрон табиий муаммоларга дуч келмоқда - ёғингарчиликнинг этишмаслиги ва сув ресурсларининг камайиши оғир оқибатларга олиб келади", - дея унинг сўзларидан иқтибос келтирган Эрон ОАВлари.

Давлат раҳбари “яқин келажакда ёмғир ёғмаса, келаси ойдан бошлаб Теҳронда сув таъминотига қаттиқ чекловлар жорий этишга мажбур бўламиз”, деб таъкидлади. “Ёмғир бўлмаса, захираларимиз тугайди ва биз шаҳарни эвакуация қилишга мажбур бўламиз”, — дея қўшимча қилди у.

Эронда сўнгги беш йил ичида ёғингарчилик доимий равишда камайган. Маҳаллий метеорология хизматлари маълумотларига кўра, бу йил Теҳронга мавсумий ўртачадан 40 фоизга кам ёмғир ёғган. Баҳор ва ёзда ёмғирнинг деярли йўқлиги сув омборларидаги сув сатҳининг ҳалокатли пасайишига олиб келди.