Эрон Ислом маслаҳат кенгаши вакиллари парламент йиғилишида Шанхай ҳамкорлик ташкилотига (ШҲТ) қўшилиш тўғрисидаги қонун лойиҳасини маъқуллади.
Қонун лойиҳасини парламентнинг 205 депутати маъқуллаган, 3 нафари қарши овоз берган, 4 нафари бетараф қолган.
Эрон ШҲТга аъзо бўлиш учун ташкилот томонидан шу пайтгача қабул қилинган барча ҳужжатларни тасдиқлаши керак, ҳозиргача 49 та ҳужжат имзоланган.
ШҲТ 2001 йилда Хитой, Россия, Қозоғистон, Тожикистон, Ўзбекистон ва Қирғизистон раҳбарлари томонидан асос солинган. Уюшма ҳамкорлари Озарбойжон, Арманистон, Камбожа, Непал, Туркия ва Шри-Ланка ҳисобланади.
Эрон БМТ Хавфсизлик Кенгаши, АҚШ ва Европа Иттифоқи томонидан киритилган санкциялар туфайли ШҲТга аъзо бўлолмай келаётган ва кузатувчи мақомига эга эди. 2016 йилдан кейин ядровий дастур бўйича битим тузилгач, чекловлар аста-секин олиб ташланди. Ушбу битим шартларига кўра, Эрон ядровий қурол ишлаб чиқармасликка ваъда берган.
2022 йил сентябр ойида Теҳрон ШҲТга аъзо бўлиш тўғрисидаги меморандумни имзолаган эди.
Россия яна бир ҳарбий можарода иштирок этиши мумкин
Макрон: "Агар Россия ғалаба қозонса..."
Россия Арманистон учун қарор чиқарди
