Эрон мамлакатда халқаро интернетга киришга қўйилган чекловларни бекор қилди

Эрон мамлакатда январь ойининг бошидан бери амал қилиб келаётган халқаро интернетга кириш чекловларини бекор қилмоқда.

Бу ҳақда дипломатик манбалар хабар берди.

"Нафақат миллий интернет платформасидаги барча чекловлар барча соҳаларда бекор қилинди, балки 19 январдан бошлаб халқаро интернет чекловлари ҳам босқичма-босқич бекор қилинмоқда. Тегишли органларга йўллаган мактубида Эрон президенти Масуд Пезешкиан интернет бозорини жонлантириш ва халқаро интернетга жамоатчиликнинг киришини таъминлаш учун барча чекловларни бекор қилишни талаб қилди - бу жараён ҳозирда давом этмоқда", деди агентлик манбаси.

Эронда миллий валютанинг тўсатдан қулаши ортидан 28 декабрь куни норозилик намойишлари бошланди ва ўшандан бери мамлакат бўйлаб камида 46 та шаҳарга тарқалди. 8 январь куни кечқурун мамлакатда интернет ва мобил алоқа ўчирилди, бу эса кучайиб бораётган зўравонлик шароитида маълумотларга киришни кескин чеклаб қўйди.