Минтақадаги сиёсий ва хавфсизлик билан боғлиқ таранг вазиятга қарамай, Эрон терма жамоаси 2026 йилги Жаҳон чемпионатида қатнашиш ниятида. Бу ҳақда Осиё Футбол Конфедерацияси (ОФК) бош котиби Виндзор Жон маълум қилди.
Эроннинг Шимолий Америкадаги мундиалда иштирок этиши борасидаги саволлар жамоанинг Атлантада ўтган ФИФАнинг мажбурий режалаштириш йиғилишида қатнашмаганидан сўнг пайдо бўлган эди. Эрон расмийлари ўз фуқароларининг АҚШ, Канада ва Мексика мезбонлик қиладиган турнирга сафар қилишидан тийилиши мумкинлигини билдирганди. Бироқ Виндзор Жоннинг таъкидлашича, Эрон футбол федерацияси ОФКга мусобақада қатнашиш нияти борлигини расман тасдиқлаган.
Вазият АҚШ президенти Дональд Трампнинг эронлик футболчилар хавфсизлиги борасидаги чиқишидан сўнг янада мураккаблашди. Бунга жавобан Эрон миллий жамоаси очиқ баёнот билан чиқиб, уларнинг иштирокини тўсишга ҳеч кимнинг ҳаққи йўқлигини маълум қилди. Эрон томони ФИФАни хавфсизлик масалаларига жиддий эътибор қаратишга ва мезбон давлатлар барча иштирокчилар ҳимоясини кафолатлаши шартлигини билдирди.
"Вазият ниҳоятда ҳиссиётли, бироқ биз олган сўнгги маълумотларга кўра, Эрон Жаҳон чемпионатига боришга тайёргарлик кўрмоқда", — дейди Виндзор Жон.
Дунё рейтингида 20-ўринни эгаллаб турган Эрон терма жамоаси кенгайтирилган турнирнинг гуруҳ босқичида Янги Зеландия, Бельгия ва Миср билан куч синашиши лозим.
Эслатиб ўтамиз, Эрон терма жамоаси 48 та жамоа иштирок этадиган ЖЧ-2026 йўлланмасини аллақачон қўлга киритиб бўлган.
ММА афсонаси Трампнинг Эрон ҳақидаги гапларига кескин жавоб қайтарди
«Реал»дан учралган мағлубиятдан сўнг «Манчестер Сити» кийиниш хонасида нималар бўлди?
Эроннинг ўрнига Жаҳон чемпионатига бориши мумкин бўлган терма жамоалар номи маълум бўлди
