Эрон бугун эрталаб коинотга иккита сунъий йўлдошини учирди

Сешанба куни эрталаб Эроннинг Kowsar ва Hodhod сунъий йўлдошлари орбитага муваффақиятли учирилди.

Бу ҳақда Mehr нашри хабар бермоқда.

Қайд этилишича, RGB камералари билан жиҳозланган Kowsar сунъий йўлдошининг оғирлиги 30 кг. Сунъий йўлдошнинг рангли тасвирлаш диапазони 15 км, тортишиш тезлиги секундига 6 кадр. Сунъий йўлдош тасвирлари қишлоқ хўжалиги, хариталаш ва геодезияда фойдаланиш учун мос келади. Сунъий йўлдошнинг ишлаш муддати тахминан уч йил.

Hodhod сунъий йўлдошининг оғирлиги 4 кг, хизмат муддати тахминан тўрт йил. Сунъий йўлдош маълумотларидан қишлоқ хўжалиги, транспорт, логистика ва атроф-муҳитни муҳофаза қилишда ҳам фойдаланиш мумкин. Hodhod сунъий йўлдошининг афзаллиги чекка ҳудудларда, жумладан, ўрмонлар ва тоғли ҳудудларни қамраб олган тор полосали нарсалар Интернети (IoT) хизматларини тақдим этишдир.