Эрон АҚШнинг Натанз ва Фордо заводларига уюштирган ҳужумларига қарамай уранни бойитишни давом эттиради

Бу ҳақда мамлакатнинг Атом энергияси агентлиги баёнот берди, деб хабар бермоқда Reuters.

Агентлик баёнотида таъкидланишича, Эрон “мамлакатнинг саноат ривожланишини” — яъни ядровий инфратузилмасини тўхтатишга йўл қўймайди.

Шунингдек, агентлик АҚШнинг ҳаракатларини халқаро ҳуқуқ ва Ядровий қуролларни тарқатмаслик тўғрисидаги шартномани бузиш деб баҳолади ва Халқаро атом энергияси агентлигини (МАГАТЭ) бефарқликда айблади, деб хабар бермоқда Reuters.