Эрон АҚШдан ядровий келишув бўйича ёзма таклиф олмаган

Эрон ташқи ишлар вазири Аббос Аракчи Эрон АҚШдан ядровий келишув бўйича на тўғридан-тўғри, на воситачилар орқали ёзма таклиф олмаганини маълум қилди.

Бундан олдин АҚШ президенти Доналд Трамп Қўшма Штатлар Эронга янги ядровий келишув бўйича таклиф юборганини тасдиқлаган эди.

Шунингдек, Трамп Эрон ядровий дастури бўйича келишув якунланиш арафасида эканлигини таъкидлаган ва Теҳрон объектларига ҳарбий зарба берилишининг олдини олиш борасида оптимистик фикр билдирган.