Исроил расмийлари бўлажак тинчлик келишувини таъминлаш мақсадида АҚШ Эроннинг хориждаги активларига қўйилган чекловларни бекор қилмаслиги кераклигини таъкидламоқда. Бу ҳақда CNN Исроилдаги манбасига таяниб хабар берди.
Аввалроқ Эроннинг «Меҳр» ахборот агентлиги эълон қилган ўзаро англашув меморандуми лойиҳасида Эроннинг 24 миллиард долларлик музлатилган маблағларини босқичма-босқич ажратиш назарда тутилгани айтилган эди. Ҳужжатга кўра, мазкур маблағнинг ярми музокаралар бошланишидан олдинёқ Эрон ихтиёрига ўтказилиши лозим.
CBS News маълумотларига кўра, АҚШ ва Эрон келаси ҳафта бошида ўзаро англашув меморандумини имзолаши мумкин. Шундан сўнг томонлар якуний тинчлик шартномаси бўйича 60 кунлик музокараларни бошлайди.
Телеканал манбаларининг таъкидлашича, зарурат туғилса, ушбу муддат узайтирилиши ҳам мумкин.
«Меҳр» агентлиги тарқатган маълумотларга кўра, меморандумнинг асосий бандлари қуйидагилардан иборат:
▪️ Ливанни ҳам ўз ичига олган барча фронтларда ҳарбий ҳаракатларни дарҳол тўхтатиш;
▪️ Эронга нисбатан қўлланилаётган денгиз блокадасини тўлиқ бекор қилиш;
▪️ Ҳурмуз бўғозини 30 кун ичида қайта очиш;
▪️ АҚШ қўшинларини Эрон билан чегарадош ҳудудлардан олиб чиқиш;
▪️ Эроннинг хориждаги музлатилган маблағларини босқичма-босқич қайтариш.
Айни пайтда Теҳрон расман ҳеч қандай якуний келишувга эришилмаганини билдирмоқда. Шу сабабли меморандум лойиҳасида келтирилган шартлар ҳали расман тасдиқланган деб ҳисобланмайди.
47°C иссиқликда тонг ҳам, тун ҳам йўқ: Ҳиндистоннинг энг иссиқ ҳудудида бир кун
Тимми исмли кит биоёқилғига айланади
Жалолиддин Машарипов терма жамоа қайдномасидан чиқарилмоқда
