Эрон чегара полицияси қўмондони, бригада генерали Аҳмад Али Гударзи мамлакатнинг шарқий чегараларида хавфсизликка таҳдидларни камайтириш учун тўсиқлар қуриш бошланганини маълум қилди. Бу ҳақда Eghtesaad24 хабар берди.
Эроннинг Покистон ва Афғонистон билан чегараларида мамлакатга гиёҳванд моддалар савдосининг 80 фоизи тўғри келади. Бу Эрон хавфсизлик хизматларининг ҳисоб-китобларига асосланади. Бундан ташқари, лойиҳанинг мақсади ёнилғи ва товарлар контрабандаси, шунингдек, ноқонуний миграциянинг олдини олишдан иборат.
Систон ва Балужистон ҳамда Хуросон-Ризозий вилоятларида қурилиш ишлари аллақачон бошланган, деди Аҳмад Али Гударзий.
Кейинчалик Илам, Курдистон ва Ғарбий Озарбайжон вилоятларида тўсиқлар қурилади. Сентябрь ойида Эрон Афғонистон билан чегарада 10 километрлик бетон девор қурилишини якунлади. Қурилиш май ойида эълон қилинган, яна 50 километр қурилиши режалаштирилган. Тўсиқ Хуросон-Разавий вилоятида қурилган бўлиб, Эрон расмийларига кўра, афғон қочқинлари энг кўп шу чегарадан ўтади. Эрон ва Афғонистон ўртасидаги чегаранинг умумий узунлиги 950 километрни ташкил этади.
Эрон ўраб олинмоқда
Қозоғистон шимоли одамларсиз қолиши мумкин
Эрталабдан Исроилга юзлаб ракеталар ташланди
