Эрлинг Холанд - Месси ва Роналду ҳақида: "Уларнинг рекордини ҳеч ким янгилай олмайди"

"Манчестер Сити" ҳужумчиси Эрлинг Холанд Лионель Месси ва Криштиану Роналду каби юлдузлар даражасига чиқа оладими, деган саволга жавоб берди.

"Йўқ. Ҳозир дунёнинг энг яхши ўйинчилари қаторига кираман. Лекин уларнинг рекордини ҳеч ким янгилай олмайди. Ҳатто мен ҳам", - дея Холанднинг сўзларини келтиради 101 Great Goals.

Эрлинг Холанд "Манчестер Сити"да уч мавсумдан буён тўп тепиб келмоқда. Бу вақт ичида ҳужумчи 146 та расмий ўйинда майдонга тушиб, ўз ҳисобига 124 та гол ва шерикларига 21 та голли узатма ёздириб қўйган.