Эрдўғон Яқин Шарқдаги кескинлашувнинг глобал иқтисодий оқибатлари ҳақида огоҳлантирди

Эрон, Исроил ва Қўшма Штатлар ўртасидаги уруш бутун минтақага тўлиқ тарқалишидан олдин тўхтатилиши керак.

Бу ҳақда Туркия президенти Ражаб Тоййиб Эрдўған ҳукмрон Адолат ва Тараққиёт партияси йиғилишида маълум қилди.

Эрдўған Эронга қарши давом этаётган ҳужумлар, биринчи навбатда, энергия нархларининг тез ўсиши туфайли глобал иқтисодий барқарорликка бевосита таҳдид солаётганини таъкидлади.

"Бу таъсирни дунёнинг барча мамлакатлари ҳис қилмоқда. Туркия бундай қийин пайтларда дўст ва биродар давлатлардан юз ўгирмайди", деди у.

Президентнинг сўзларига кўра, Анқара можароли томонлар ўртасида тинчлик музокараларини қайта тиклаш бўйича фаол дипломатик саъй-ҳаракатларни давом эттирмоқда.

28 февраль куни Қўшма Штатлар ва Исроил Эронга қарши ҳарбий операцияларни бошлади. Натижада Олий раҳбар Али Хоменей ва бир нечта юқори лавозимли амалдорлар ўлдирилди. Кейин Эрон Исроилга ва АҚШ ва унинг иттифоқчилари ҳарбий базаларни жойлаштирган Саудия Арабистони, Қатар, Бирлашган Араб Амирликлари, Уммон, Баҳрайн, Ироқ ва Кипрдаги танланган нишонларга зарба беришни бошлади.