Эрдўғон ва Путин телефон орқали мулоқот қилди

Туркия президенти Ражаб Тоййиб Эрдўғон россиялик ҳамкасби Владимир Путин билан телефон орқали мулоқот қилди.

Бу ҳақда Туркия президенти девони хабар берди.

Томонлар Туркия ва Россия ўртасидаги икки томонлама муносабатлар билан бир қаторда муҳим минтақавий ва глобал муаммоларни муҳокама қилдилар.

Эрдўған Туркиянинг Россия ва Украина ўртасидаги жанговар ҳаракатларни тугатишга қаратилган жараённи диққат билан кузатиб бораётганини таъкидлаб, тинчлик музокараларини ташкил этиш билан бирга ҳар томонлама қўллаб-қувватлашга тайёрлигини билдирди.

Туркия президенти Сурия масаласида Россия билан ҳамкорлик қилиш муҳимлигини, унинг фикрича, минтақада узоқ муддатли тинчлик ва барқарорликни таъминлашда ҳал қилувчи аҳамиятга эга эканини таъкидлади.