Эрдўғон: "Туркия АҚШ ва Эрон ўртасидаги можарони ҳал қилишда воситачилик қилишга тайёр"

Туркия ҳар доим Қўшма Штатлар ва Эрон ўртасидаги можарода, хусусан, Ҳормуз бўғозида воситачилик қилишга тайёр.

Туркия президенти Ражаб Тоййиб Эрдўғон бу ҳақда Анқарадаги НАТО саммитидан кейинги матбуот анжуманида маълум қилди.

Эрдўғон Туркия томонлар ўртасидаги кескинликни камайтириш бўйича саъй-ҳаракатларини давом эттиришини таъкидлади: "Биз бу йўналишда қўлимиздан келган барча ишни қилмоқдамиз ва бундан кейин ҳам қиламиз. Биз Ҳормуз бўғозининг уруш зонасига айланишини истамаймиз".