Туркиянинг амалдаги ҳукумати мамлакат тарихидаги энг кўп давлат тўнтаришига уринишлардан жабр кўрган.
Бу ҳақда Туркия президенти Ражаб Тоййиб Эрдўған маълум қилди.
Президент Туркиянинг узоқ йиллар давомида нотинчлик ва беқарорликдан қочиб қутула олмаганини эслатди: “1960 йил 27 май воқеаларидан кейин ҳар 10 йилда бир марта шунга ўхшаш давлат тўнтаришига уринишлар такрорланди. Ҳаммаси худди шу сценарий бўйича такрорланди: кўча тартибсизликлари, университетлардаги норозилик намойишлари, газеталардаги буюртма мақолалар. Туркия тарихида энг кўп тўнтариш ташаббусларидан жабр кўрган ҳукуматмиз. Аммо бу уринишларнинг барчаси муваффақиятсизликка учради".
Мамлакат раҳбари янги «фуқаролик конституцияси»ни қабул қилиш зарурлигини яна бир бор таъкидлаган.
