Эрдўған Америкага боради

Туркия президенти Ражаб Тоййиб Эрдўғон 9-11 июль кунлари Вашингтонда бўлиб ўтадиган НАТО давлатлари саммитида иштирок этиш учун АҚШга ташриф буюради.

Унинг Вашингтонда давлат ва ҳукумат раҳбарлари билан икки томонлама учрашувлари режалаштирилгани ҳақида «Репорт» «TRT Haber»га таяниб хабар берди.

Эслатиб ўтамиз, Эрдўған 3-4 июль кунлари Қозоғистон пойтахти Остона шаҳрида бўлиб ўтадиган Шанхай ҳамкорлик ташкилоти (ШҲТ) Давлат раҳбарлари кенгашининг 24-саммитида иштирок этган эди. Саммит доирасида у айрим етакчилар, жумладан, Россия президенти Владимир Путин билан учрашди.