Энтони Жошуа 2026 йилда фаолиятини якунламоқчи

Эдди Ҳирннинг маълум қилишича, Энтони Жошуа 2026 йилда боксдаги фаолиятини якунлайди.

«Энтони рингга қайтганида, у бир йилдан кўпроқ вақт давомида жанг қилмаган бўлади. У операциядан кейин чиқади ва ўша пайтда Тайсон Фюри жанг қилишга тайёр бўлмайди, шунинг учун Энтонининг рақиби бошқалар бўлиши мумкин.

Менимча, 2026 йил унинг боксдаги сўнгги йили бўлади. Бу йил қайтиш, кейинги йил Фюри билан икки марта жанг қилиш ва кейин гўзал тарзда кетиш мантиқан тўғри», – деди промоутер.

Олдинроқ Жошуа тирсагидан операция ўтказиши ва ёзнинг ўрталаригача машғулот ўтказа олмаслиги хабар қилинганди.