АҚШ Давлат котиби Энтони Блинкен президент Жо Байденга шу ҳафта Буюк Британия ва Ирландияга сафарида ҳамроҳлик қилади. Жо Байден 11-14 апрель кунлари Буюк Британия ва Ирландияга ташриф буюради.
Шундан сўнг Давлат департаменти раҳбари Энтони Блинкен Ханойга ташриф буюради, сўнгра Япониянинг Каруизава шаҳрида “Катта еттилик” вазирларининг учрашуви ўтказилади. Блинкеннинг ташрифлари жадвали Reuters томонидан чоп этилган.
Агентликнинг аниқлик киритишича, Ханойдаги учрашув АҚШ ва Ветнам ўртасидаги “ҳар томонлама ҳамкорлик ўн йиллигига” бағишланади. Япониядаги G7 ассамблеясида G7 ташқи ишлар вазирлари “қатор глобал муаммоларни, жумладан, Россия ва Украина ўртасидаги можаро, ядровий қуролсизланиш ва Ҳинд-Тинч океани минтақасида “эркинлик ва очиқлик” сиёсатини илгари суриш каби масалаларни муҳокама қилади.
