Фаластин ерларини ноқонуний равишда эгаллаб олган исроилликлар ишғол остидаги Ғарбий Соҳилнинг шимоли-шарқидаги бир қишлоқда чўпонларга ҳужум қилиб, 300 қўйни ўғирлаб кетди.
Фаластиннинг WAFA ахборот агентлигининг хавфсизлик кучларидаги манбаларига таяниб хабар беришича, ақидапараст яҳудийлар Кафр Малик қишлоғининг шарқий қисмидаги Айн Самия ҳудудида фаластинликларга ҳужум қилган.
Исроилликлар фаластинлик чорвадорлар Холид Гунеймат ва Мустафо Ребиага тегишли 300 қўйни мусодара қилди. Улардан бири Мустафо Ребиа калтаклаш натижасида жароҳат олган.
Гувоҳларнинг сўзларига кўра, Исроил аскарлари ярадор Ребияга ёрдам кўрсатиш учун келган тез ёрдам машинасини ўтказиб юборишдан бош тортган.
Айни пайтда исроилликларнинг яна бир гуруҳи Рамаллаҳ шарқидаги Тайба қишлоғига бостириб кириб, атроф-муҳитга зарар етказган.
2023 йилнинг 7 октябрь куни Исроил Ғазо секторига ҳужум қила бошлаганидан бери Ғарбий Соҳилда Фаластин ерларини ноқонуний эгаллаб олган исроилликларнинг ҳужумлари кўпайган.
Фанатик фикрдаги яҳудийлар тез-тез Фаластин қишлоқлари ва шаҳарларига ҳужум қилиб, бинолар ва машиналарга ўт қўяди.
БМТ маълумотларига кўра, 2023 йил 7 октябрдан бери Ғарбий Соҳилда исроиллик кўчманчилар томонидан камида 13 нафар фаластинлик ҳалок бўлган.
Мактабларда 1 сентябрдан смартфондан фойдаланиш тақиқланади
Кападзе: "Агар терма жамоамизни Бенту бошқарадиган бўлса, хайрли бўлсин дейман"
АҚШ Конгрессига номзод Валентина Гомес Қуръонни ёқиб юборди
