"Эмбарго керак эмас!" — Германия Исроилни қурол билан қўллаб-қувватлашда давом этмоқчи

Германия ташқи ишлар вазири Йоханн Вадефул Исроилга қурол етказиб беришга қўйилган эмбаргога қарши чиқди.

Бу ҳақда вазирлик раҳбари Испанияга ташрифи чоғида ўтказилган матбуот анжуманида маълум қилди.

"Ҳеч ким, жумладан, Германия ҳам ҳозирги вазият Исроилнинг Ғазо секторидаги ҳаракатлари учун мақбул экани ва у билан бундан кейин ҳам муроса қилиш мумкинлигини айтмаяпти," - деди Вадефул.

Бироқ, унинг сўзларига кўра, ташқи таҳдидлар фонида Исроил хавфсизлигини таъминлаш ГФР учун давлат сиёсатининг асоси бўлиб қолмоқда.

"Бу, ўз-ўзидан равшанки, келажакда Исроилга қурол етказиб беришга тайёрликни ҳам ўз ичига олади," - деди у.