Электр тармоқлари ўчирилди — Тошкентда 8 500, вилоятида 10 300 та истеъмолчи вақтинчалик электрсиз!

Ноқулай об-ҳаво таъсирида (кучли шамол натижасида) Тошкент шаҳри ва Тошкент вилоятининг айрим ҳудудларида электр таъминотида узилиш кузатилмоқда

Тошкент шаҳри ва вилоятидаги айрим электр тармоқлари хавфсизликни таъминлаш мақсадида қўлда ўчирилган.

Бунинг натижасида Тошкент шаҳрида 8 500 та ва Тошкент вилоятида 10 300 та истеъмолчи электр таъминотидан вақтинча узилган.

Ҳозирги вақтда махсус бригадалар томонидан носозликларни бартараф қилиш ҳамда истеъмолчиларнинг электр таъминотини қайта тиклаш чоралари кўрилмоқда.