Сибирда иссиқ об-ҳаво туфайли ўрмон ёнғинлари хавфи ошди, дейди Стокгольм университетининг атроф-муҳит бўйича мутахассислари.
“Аввал қурғоқчилик бўлади, кейин чақмоқ чақиб, ёнғин юзага келиши мумкин. Бу табиий жараён. Об-ҳаво қанчалик қуруқ ва иссиқ бўлса, бундай ҳолат шунчалик тез-тез содир бўлиши мумкин ", дейди профессор Микаэл Чернстрем.
Стокгольм университетининг физик география институти доценти Густав Хугелиус профессор Микаэл Чернстремнинг гапларини тасдиқлаган ҳолда, агар об-ҳаво ўзгармаса, жиддий ўрмон ёнғинлари кутилиши мумкинлигидан огоҳлантирди.
«Бироқ, агар июль-август ойларида ёмғир ёғадиган бўлса, унда ёнғин хавфи камаяди», дея таъкидлади Хугелиус.