Европа Иттифоқи Россияга қарши санкцияларнинг 22-пакетини маъқуллади. Янги чекловлар қарийб 1600 нафар жисмоний ва юридик шахсга таъсир кўрсатади. Европа дипломатияси раҳбари Кая Каллас бу Россиянинг ҳарбий ҳаракатлари бошланганидан бери санкциялар рўйхати энг катта миқёсда кенгайтирилганини таъкидлади.

Калласнинг айтишича, санкцияга киритилган янги шахс ва ташкилотларнинг ярмидан кўпи баллистик ракеталар ишлаб чиқариш билан боғлиқ.

«Биз Россия учун қурол ишлаб чиқаришни сезиларли даражада қийинлаштирмоқдамиз, бу жараённи секинлаштирмоқдамиз ва харажатларни оширмоқдамиз», — деб ёзди Европа дипломатияси раҳбари.

Аввалроқ, «Система» таҳлилий-тадқиқот лойиҳаси 22-пакет чекловлари Россия ҳарбий-саноат мажмуаси корхоналари, шунингдек, уларнинг раҳбарлари ва ходимларига қаратилганини хабар қилган эди.

Айрим ташкилотларга нисбатан санкциялар илк бор жорий этилмаяпти, балки амалдаги чекловлар кенгайтирилмоқда.