ЕИ Арманистон билан визани либераллаштириш бўйича музокаралар бошланишини маъқуллади

Европа Иттифоқи Арманистон билан визани либераллаштириш бўйича музокаралар бошланишини маъқуллади.

Европа Иттифоқи ташқи ишлар кенгаши Арманистон билан визани либераллаштириш бўйича музокараларни бошлаш қароридан мамнунлигини билдирди.

Визаларни либераллаштириш имконияти «мезонларга тўлиқ мос келган тақдирда» баҳоланади ва ушбу мезонларни аниқлаш ва баҳолаш учун жавобгарликни Европа Иттифоқи Кенгаши ва аъзо давлатлар ўз зиммаларига олади, дейилади хабарда.

Арманистон ташқи ишлар вазири Арарат Мирзоян Европа Иттифоқи Ташқи ишлар кенгаши қароридан мамнунлигини билдириб, Европа Иттифоқи ва иштирокчи давлатларнинг ташқи ишлар вазирларига миннатдорчилик билдирди.

Х нашрида Арманистон дипломатик департаменти раҳбари қарорни «тарихий» деб атади. «Бу умумий қадриятлар ва тамойилларга асосланган Арманистон-Европа Иттифоқи ҳамкорлигидаги жуда муҳим босқичдир», деб ёзади Мирзоян.

Виза режимини либераллаштириш Арманистон фуқароларига Шенген мамлакатларига визасиз қисқа муддатли ташриф буюриш имконини беради. Музокаралар бир неча йил давом этиши мумкин.