Эфиопиянинг чекка бир минтақасида кучли ёмғир туфайли юзага келган кўчкилар қурбонлари сони 229 нафарга етди, улар орасида қутқарувчилар ҳам бор. Бу ҳақда маҳаллий ҳокимият хабар бермоқда.
Фожиа Эфиопиянинг жануби-ғарбий қисмида содир бўлди. Ҳафта бошида расмийлар 55 киши ҳалок бўлгани ҳақида хабар берган, бироқ қурбонлар сони кескин ошган. Гофа ҳудудида қидирув-қутқарув ишлари давом этмоқда. Ушбу ишда ёрдам бериш учун федерал ишчи гуруҳ юборилган.
Ҳозирча қанча одам бедарак йўқолганлиги маълум эмас, аммо улар орасида фожиадан кейин омон қолганларни қидираётган қутқарувчилар ҳам бор. Душанба куни қутқарув гуруҳи ишлаётган пайтда янги кўчки босди.
«Ўлган қариндошларининг жасадларини қучоқлаб ўтирган болалар бор, улар бутун оиласини, жумладан онаси, отаси, ака-ука ва синглисини йўқотиб қўйишмоқда», деди Гофа минтақасидаги табиий офатларни бошқариш агентлиги директори Маркос Мелесе Associated Pressга.
Усейн Болт, Криштиану Роналду ва туяқуш ўртасидаги пойгада ким ғалаба қозонади?
Туркманистон СССРга қарши кураш эълон қилди
Шаҳноза Мирзиёева зиммасига янги вазифа юклатилди
