15-24 июль кунлари Арманистонда EAGLE PARTNER 2024 арман-америка қўшма машғулотлари бўлиб ўтади. Уларда Арманистон қуролли кучларининг тинчликпарвар бригадаси, Европа ва Африкадаги АҚШ армияси ҳамда Канзас миллий гвардияси ҳарбий хизматчилари иштирок этади. .
«Машқлар тинчликпарварлик вазифаларини бажаришда низолашаётган томонлар ўртасидаги муносабатларни барқарорлаштириш бўйича операцияларни ўз ичига олади», — дейилади Арманистон Мудофаа вазирлиги баёнотида.