АҚШ президенти Доналд Трамп Сурияга нисбатан жорий қилинган санкциялар бекор қилинганини эълон қилди. Мамлакат аҳолиси бу хабарни қувонч билан қарши олди. Аммо мутахассисларнинг таъкидлашича, мамлакат иқтисодиётининг қисқа фурсатда тикланиши ҳали ҳам шубҳа остида.
"Сурия иқтисодиёти ўз қийматининг 85 фоизини йўқотганини ҳисобга олсак, унинг урушдан олдинги даражанинг ярмига қайтиши учун 20-25 йил керак бўлади, деб айтиш муболаға бўлмайди", — дея фикр билдирди DW нашрига иқтисодчи Анвар ал-Кассем.
Вашингтонда жойлашган Стратегик ва халқаро тадқиқотлар маркази мутахассиси Наташа Ҳоллнинг сўзларига кўра, Башар Асад режимига қарши “кўп босқичли санкциялар” жорий қилинган ва Сурия терроризмни қўллаб-қувватловчи давлатлар рўйхатига киритилган. Шунинг учун барча чеклов чоралари дарҳол бекор қилинмайди.
"Қайси санкцияларнинг бекор қилиниши масаласини АҚШ Молия вазирлиги ҳал қилади. Санкцияларнинг юмшатилиши фақат айрим соҳалар ва гуманитар ташкилотлар фаолиятига тааллуқлими ёки молиявий санкциялар ҳам бекор қилиниб, Сурия Марказий банки халқаро банклар билан ҳамкорликни тиклаш имкониятига эга бўладими ҳозирча маълум эмас", — дея таъкидлади Дамашқ университети иқтисодиёт факултети профессори Зиёд Аюб Арабаш.
Мутахассиснинг фикрича, Сурия олдидаги энг катта муаммолар — коррупсия ва заиф давлат институтлари ҳисобланади.
Гўзаллик маликаси 9 ойга қамалди
Эстония ва Россия ўртасида жанг чиқишига сал қолди
Истанбулдаги музокарада Россия Украинага бешта шарт қўйди
