Ҳужжатни республикачи Линдси Грем ва демократ Ричард Блюментал эълон қилди. Мазкур ҳужжат Москвага қарши янги бирламчи санкциялар, шунингдек, Россия нефти, гази, урани ва бошқа маҳсулотларни сотиб олувчи мамлакатлар учун импортга 500 фоизлик божлар жорий этишни назарда тутади. Ташаббусга АҚШ Сенатидаги 100 нафар сенатордан 50 нафари ҳаммуаллифлик қилди. Улардан 25 нафари республикачи, 24 нафари демократ ва бир нафари мустақил сенатор ҳисобланади.
"Агар Россия Украина билан мустаҳкам тинчлик ўрнатиш бўйича виждонан музокаралар олиб боришдан бош тортса ёки тинчлик шартномаси тузилганидан кейин Украина суверенитетига путур етказадиган бошқа ҳаракатларни, жумладан, ҳарбий босқинни амалга оширса, ушбу санкциялар жорий этилади", – дея шарҳлайди қонун лойиҳаси муаллифлари.
Сенаторларнинг таъкидлашича, улар Трампнинг ўт очишни тўхтатиш масаласида Россиядан ҳафсаласи пир бўлганига қўшиладилар.
Аввалроқ Грем ва Блюментал Россияга нисбатан қўшма қонун лойиҳаларини илгари сурган эди. 2022 йил сентябр ва 2024 йил июн ойларида улар Россияни “терроризмга ҳомийлик қилувчи давлат” сифатида тан олишни таклиф қилган эди. 2025 йил март ойида улар Россиянинг 300 миллиард доллардан ортиқ музлатилган активларини мусодара қилиб, Украинага топширишга чақирди. Бироқ бу ташаббусларнинг барчаси якунига етмаган.
Чўнтакка зарба: Гўшт нархи “учиб кетди” – Ўзбекистонда март ойида 9,1% ошди!
Қувайт энди Эронга ошкора ваъда берди
Чернобил ҳайвонларида кутилмаган суперқобилиятлар аниқланди
