Дуров: "WhatsApp Телеграм каналларида ўзларини реклама қила бошлади"

Telegram асосчиси Павел Дуров WhatsAppни Telegram-каналларида Telegramни танқид қилган изоҳларни сотиб олишда айблади.

Далил сифатида у рус тилидаги каналларнинг иккита постининг скриншотларини илова қилди, унда унинг мессенжери "фирибгарликларни тарқатиш ва реклама билан аралашиш"да айбланмоқда, WhatsApp эса интерфейсда реклама йўқлиги ва пуллик обуналар йўқлиги сабабли яхши кўринишда тасвирланган.

"Рақобатчиларимиз умидсиз бўлиб қолишди - улар Телеграм каналларида ўзларини реклама қила бошлашди. Бунгача улар асосан Ғарб матбуотида буюртма мақолаларини чоп этишарди. Бизга қарши қаратилган миллиардлаб маркетинг бюджетларини инновацияларга сарфлашса яхши бўларди", - деб ёзади Дуров.

Унинг қўшимча қилишича, Телеграм WhatsAppдан технологик жиҳатдан бир неча йил олдинда ва унинг сўзларига кўра, бу фарқ ҳар ой ошиб бормоқда.