"Телеграм" мессенжери ҳар доим Европа Иттифоқи қонунларига қатъий риоя қилган. Бу ҳақда унинг асосчиси Павел Дуров айтди.
Шу тариқа у француз оммавий ахборот воситаларининг айбловлар илгари сурилганидан кейингина "Телеграм" Европа Иттифоқи қонунчилигига риоя қила бошлагани ҳақидаги баёнотларига изоҳ берди.
"Бу ёлғон. "Телеграм" доим Европа Иттифоқи қонунларига амал қилган", — деб ёзган Дуров ўзининг "Телеграм" каналида.
Шу билан бирга Дуровнинг аниқлик киритишича, айнан француз полицияси "эътиборсиз қолган" ва қонуний йўл билан "Телеграм"га сўровлар юборганидан сўнг Европа Иттифоқи қонунларига риоя қила бошлаган.
Эслатиб ўтамиз, 17 март куни Дуров Дубайга қайтганини тасдиқлаган эди. У иш давом этаётганини қўшимча қилди ва барчага ёрдам учун миннатдорчилик билдирди.
