Дуров суд рухсати билан Дубайга қайтганини тасдиқлади

Дуров суд рухсати билан Дубайга қайтганини тасдиқлади.

Telegram асосчиси Павел Дуров судялар, адвокатлар ва мессенжер жамоасига миннатдорчилик билдирди. Унинг сўзларига кўра, "модерация, ҳамкорлик ва жиноятчиликка қарши кураш масалаларида Telegram кўп йиллар давомида ўз юридик мажбуриятларини бажарган".

Шанба куни AFP агентлиги суд Павел Дуровга Францияни тарк этиб, "бир неча ҳафтага" Дубайга қайтишга рухсат бергани ҳақида хабар берган эди. Telegram вакиллари эса ушбу хабар юзасидан изоҳ бермаганди.