Дунёнинг энг қиммат топ-10 футболчилари рўйхати янгиланди

Жума куни "Transfermarkt" портали мутахассислари Испания чемпионатининг баъзи футболчиларининг нархларини янгилади. Энг қиммат футболчилар рўйхатида биринчи ўринни 200 миллион еврога баҳоланган Эрлинг Холанд ва Винисиус Жуниор бўлишиб турибди.

Учинчи ўринда Жуд Беллингем ва Килиан Мбаппе 180 миллион еврога баҳоланган.

Бешинчи ўринни Ламин Ямал ва Фил Фоден бўлишди, уларнинг нархи 150 миллион евро. Топ-7ликни Букайо Сака 140 миллион евро нарх билан якунлади.

Саккизинчи ўринни 130 миллион евро баҳоси билан тўрт нафар футболчи - Флориан Вирц, Жамол Мусиала, Федерико Вальверде ва Родри бўлишди.