Трамп нефть ва газ қазиб олишни сезиларли даражада кенгайтиришни режалаштирмоқда. Бу эса атроф-муҳит, иқлим ва глобал иқтисодиёт учун муҳим оқибатларга олиб келиши мумкин.
Бир томондан, қазиб олиш ҳажмини ошириш энергия ресурслари нархини туширишга ёрдам бериши керак. Бошқа томондан, Германия иқтисодчиси Тило Шефер Bild газетасига тушунтиришича, бу АҚШда «нефть ва газга бўлган қарамликнинг кучайишига» олиб келиши мумкин:
«Биз илгари газ импортига кучли қарамлик қандай хавф туғдиришини оғриқли тарзда ҳис қилганмиз. Биз худди шу хатони такрорламаслигимиз ва Трамп маъмуриятининг ўйинчоғига айланиб қолмаслигимиз керак.»
Дунё бозорларида энергия ресурслари нархи пасайишига қарамай, Европада улар АҚШдаги каби арзон бўлмайди. Кёлн шаҳридаги Германия иқтисодий тадқиқотлар институти томонидан ўтказилган сўров (2051 та компания иштирокида) натижасига кўра, респондентларнинг учдан бири рақобатбардошликнинг пасайиши ва АҚШга нисбатан юқори харажатлар сабабли зарар кўришни кутмоқда.
Дюсселдорф университети иқтисодчиси, профессор Енс Зюдекумнинг фикрича, бу «Европадаги вазият нақадар жиддий эканини» кўрсатади.
«Солиқларнинг пасайиши, бюрократия ва тартибга солишнинг камайиши, шунингдек, энергия ресурслари нархининг янада тушиши сабабли АҚШ инвестициялар учун тобора жозибадор жойга айланиб бормоқда. Ишлаб чиқариш қувватларини АҚШга кўчириш тенденцияси, эҳтимол, янада кучаяди ва бизнинг саноатимизнинг аста-секин АҚШга кўчиши янада жиддий тус олади», — дея огоҳлантиради профессор Зюдекум.
Озарбайжон самолётига ким ўқ узгани аниқланди
Сингапур “3-жаҳон уруши” ҳақида огоҳлантирди
Қодиров ғойиб бўлди
