Улар 2005 йил 22 январда Флорида штатининг Палм-Бич шаҳридаги «Mar-a-Lago» қароргоҳида турмуш қуришган.

Оқ уйнинг X ижтимоий тармоғидаги расмий аккаунтида АҚШ президенти Доналд Трамп ва Мелания Трамп турмуш қурганларининг 21 йиллигини нишонлаётгани ҳақида пост пайдо бўлди.

«Президент Доналд Трамп ва биринчи хоним Мелания Трампни 21 йиллик юбилей билан табриклаймиз!», - дейилади постда.

Унга илова қилинган суратда уларнинг Оқ уй балконида орқа томондан тушган сурати акс этган.

Тўй тарихи ва тафсилотлар

Маълумот учун, Доналд Трамп ва Мелания Кнаусс 2005 йил 22 январда Флорида штатининг Палм-Бич шаҳридаги «Mar-a-Lago» қароргоҳида турмуш қуришган. Мелания Трамп тўйида Christian Dior модалар уйи томонидан тайёрланган, қиймати 100 минг доллардан ортиқ бўлган машҳур либосни кийган.

Тўйда кўплаб таниқли шахслар, жумладан ўша пайтдаги сенатор Ҳиллари Клинтон ва собиқ президент Билл Клинтон ҳам иштирок этишган. Уларнинг ёлғиз — Бэррон Трамп (у 2006 йилда туғилган) исмли фарзанди бор. Ҳозирда расмий тадбирларда ота-онаси билан бирга кўриниш беради.