Доминикан Республикасида бизнес-жет ҳалокатга учраб, портлаб кетди

Доминикан Республикасида самолёт қулаганидан кейин портлаб кетди ва бутунлай ёниб кетди. Ҳодиса оқибатида бортда бўлган икки нафар учувчи ҳалок бўлган, деб хабар бермоқда маҳаллий ОАВ.

Маълумотга кўра, Gulfstream G200 бизнес-жети Техасга чартер рейсини амалга ошираётган бўлган. Парвоз вақтида двигателда муаммо юзага келгач, экипаж фавқулодда қўниш учун рухсат сўраган.

Айни пайтда ҳалокат сабаблари авиация комиссияси томонидан ўрганилмоқда.

Ижтимоий тармоқларда эълон қилинган кадрларда учиш-қўниш йўлагига яқинлашишга уринаётган самолёт двигателидан қуюқ тутун кўтарилаётганини кўриш мумкин. Кўп ўтмай бошқарувни йўқотган самолёт қулаб, катта портлаш билан оловли шарга айланган лаҳзалар камераларга тушди.