Йирик инвесторлар орасида долларга бўлган ишонч сўнгги ўн йилликдаги энг паст даражага тушди. Бунга АҚШ сиёсатидаги олдиндан айтиб бўлмайдиган ўзгаришлар сабаб бўлмоқда. Бу ҳақда "Financial Times" нашри "Bank of America" тадқиқотига таяниб ёзмоқда.
Нашрнинг қайд этишича, доллар кетма-кет иккинчи йил пастламоқда: 2025 йилда у 9 фоизга тушиб кетган бўлса, жорий йилда яна 1,3 фоиз йўқотди. Ҳозирда курс қарийб тўрт йиллик минимал кўрсаткичда турибди. Муаллифларнинг таъкидлашича, ҳатто президент Дональд Трампнинг ўтган йил апрель ойидаги кенг кўламли божлари ҳам инвесторларни бугунгидек қўрқитмаган эди.
Нашр баҳосига кўра, асосий сабаб — Трампнинг жаҳон майдонидаги агрессив қадамлари ва ФРТга (Федерал захира тизими) ўтказаётган босимидир. Газетанинг тахмин қилишича, АҚШ капитал учун хавфсиз бошпана бўлиш хусусиятини йўқота бошлаган.
"Vanguard" раҳбари Роджер Халлам юқори ўзгарувчанлик (волатиллик) туфайли инвесторлар Америка активларига инвестиция киритиш ёндашувини қайта кўриб чиққанларини тушунтирди.
Аниқлик киритилишича, Кевин Уоршнинг ФРТга тайинланиши бозорларни бироз тинчлантирган, аммо долларга бўлган талабни қайта тиклай олмаган.
Имомали Раҳмон вафот этди(ми)?
Ер юзидаги совуқлик рекорди қайд этилди
Мадурони қўлга олиш операцияси ҳақида янги маълумот пайдо бўлди
